جمبرى(روبيان) بالصلصة

اغسلى الجمبرى ونضفيه وانقعة فى هذه الخلطة
جنزبيل مبشور اوبودره عصير ليمون وثوم مبشور(كميه كافية)
فى طاسة حمري بصلة مقطعة صغير فى قليل من السمن مع فلفل اخضر حار
عند اصفرار البصله ضعى الجمبرى المنقوع وحمرى كله على نار عالية
مع معلقة كبيرة اكل من الدقيق
تقريبا عشر دقايق
ضعى الطماطم المصفاه الطبيعية واتركيها تغلى 5 دقايق على نار عاليه
لتكمله سوا الجمبرى
ضعى معلقتين كبيرة كريم طبيخ او معلقتين لبن كوفى ساءل

ونزليه فى طبق التقديم وكلى بسرعة قبل الكل ماياكله منك
ههههههههههههههه

وبالهنا والشفا عليكم
__________________

هو انتى اصلا بتعرفى تسلقى بيض علشان تكتبى واصفه الروبيان بالصلصة

اللى بتتكلم على الروبيان دى مرة عملت بيض فى سمنة حطت عليه شاى بدل الفلفل الاسمر

ومرة عملت لسان عصفور أسود والا المكرونة اللى عملتها الناس كلها تحط المكرونة تتسلق الاول الا هى المكرونة بتاعتها سلق زاتى منها فيها.

وحق لا اله الا الله يا شيخة انتى كنتى تعرفى الروبيان ده؟

أقطع دراعى من لغاليغو لو كنتى عارفاه

وفيها ايه لو قلتى جمبرى بس؟ لازم فزلكة يعنى؟؟

حاسة ان موضوع الروبيان مضايقك اوي

بس انا عارفاه ودوقته قبل كدة
وعلي العموم الطريقه قدامك
جربها وقولي