eljokareem نائب مدير المنتدى ومشرف منتدى التعارف والحب والرومانسية
عدد الرسائل : 585 العمر : 36 نقاط : 278 السٌّمعَة : 3 تاريخ التسجيل : 25/11/2008
بطاقة الشخصية 01:
| موضوع: جزيرة الهدوء الثلاثاء أبريل 21, 2009 2:29 am | |
| كتير مننا بيحتاج وقت يكون فيه لوحده…يبعد عن الدوشه اللى حواليه يبعد عن الناس…عن اى افكار تحاول انها تعكرمزاجه…حاجه كده زى ما يكون واحد يقعد فى جزيرة لوحده قعده كده انت ونفسك ومنك للسما بعيد عن كل الناس وكل الناس بمعنى كل الناس وانا عارفه انه فيه ناس هتقولى فيه ناس منقدرش نبعد عنهم بس بجد بنحتاج وقت من الاوقات اننا نبعد عنهم نبعد شويه فى هدوء وسكينه وصفاء ذهن نفكر نعمل رفرش لدماغنا
نشوف فيه ايه بنعمله غلط وايه بنعمله صح وايه محتاج تعديل…زى كده نظره شامله على حياتنا نبعد شويه عن ضغط الشغل عن دوشه الاولاد عن ضغط الدراسه عنالالتزامات المختلفه……عن كل حاجه والوقت ده محتاجه كل فرد……الزوج محتاج انه ينفرد بنفسه شويه والمفروض ان زوجته تسيبه " مش لازم تكبسي على نفسه " وهو برضه يسيبها تنفرد بنفسها ويتطوع ولو يوم واحد ويتحمل مسؤليهالبيت والام والاب كمان يسمحوا لولادهم انهم ينفردوا بنفسهم ويدوهم مساحه منالوقت لده مش لو الابن قفل على نفسه باب اوضته شويه امه تقعد تخبط عليه:قافل ليه يا ولد اكيد بتعمل حاجه غلط ماهو لو الام فهمت ابنها او بنتها كويس عمرها ما هتعمل كده معاهم والولاد برضه تسيب امهم وابوهم فتره من الوقت ينفردوافيها بنفسهم ويتحملوا مسؤلية نفسهم ولو يوم واحد اعتقد ان ده هيساعد ان كل فرد فى المجتمع يبقى اهدى ويقلل شويه من التوتر والضغط النفسى وحدة الاعصاب اللىالواحد بيكون فيها وبيساعد برضه اننا نحل مشاكلنا بصورة اصح ومش تحت ضغط انا عارفه كويس ان الشىء ده صعب يحصل فى وقتنا ده لان محدش هيقدر يبعد ولوفتره قصيره لانه بدون ما يدرى الحياة بتاخده فى دوامتها سواء شغل (وده بيكونا اكتر حاجه) او دراسه…او …او ……إلخ ولان دوام الحال من المحال فهنلاقى الانسان طول حياته كده عمره ما هيخلص من دوامه الحياه ومش عارف ياخد وقت ينفردفيه بنفسه لكن بمجرد ما يكبر فى السن ويتقاعد ويخلص من هم ولاده ويجوزهم بتجيله الفرصه انه يقضى الباقى من حياته لحظات صفا وانفراد بنفسه ويقعد يفكر و يسترجع شريط حياته اللى مرت ويلاقى ان الدنيا مكنتش تستحق كل اللى كان بيعمله ومكنتش تستحق انها تاخده بالشكل ده والفتره دى بتكون اطول فتره استرخاءوصفاء ذهن بيقضيها الانسان وياريت كل واحد فينا يعمل (ستوب) مؤقت لحياته وياخد فتره حسب ظروفه…يوم…ساعه….دقيقه ينفرد فيها بنفسه ويصفى ذهنه وهتشوفواالفرق | |
|
Admin مـــــــــــــــديـــــــــر المنتــــــديـــــــــات
عدد الرسائل : 342 العمر : 34 الموقع : https://as7apak.alafdal.net العمل/الترفيه : ادارة عامة المزاج : مبسوط جداااااااااا نقاط : 125 السٌّمعَة : 9 تاريخ التسجيل : 25/11/2008
بطاقة الشخصية 01: لوزة
| موضوع: رد: جزيرة الهدوء الأربعاء أبريل 29, 2009 9:34 pm | |
| عندك حق بجد والله يا كيمو انا عن نفسى محتاجة القاعدة دى جدا | |
|