اربع صفات بيحبهم الراجل فى خطيبتة وبيكرههم جدا بعد الجواز

الراجل ده بني ادام غريب وعنده دايما ازدواجية في الشخصية .....

اللي يعجبه النهاردة بيكرهه بكرة .... وهقول مثال دلوقتي لكلامي ده والمثال ده بيحصل في الواقع كتييييير ........

الشب لما بيكون خاطب بيحب في خطيبته اربع صفات لكن بعد ما بيتجوز بيكره الصفات دي جدا ..........

1- لاتتكلم مع غيره ......
الراجل وهو خاطب بيبقي مش عاوز يشوف خطيبته بتكلم حد غيره ابدا عشان ميقولوش عليه بعض الكلام البايخ
وتتوجع كرامتو زي ( ده مش مالي عنيها ) او (ده هفأ ) او ( دي مش بتحبه) بيكون عاوزها من الاخر كدة خارسة
وساكتةوماتتكلمش ولا تضحك مع حد وهو معاه ,,

بعد الجواز بقي بيكره العادة دي جدا فيها . بيكون عاوزها اجتماعية وبتعرف تتكلم عشان تشرفه ادام اصحابه وقرايبه ومنها
يقولو انو مروقها ومنعنشها عشان بتتكلم مع الناس وبتضحك وبشوشة ومنها بردو يرتاح من كلامها والرغي بتاعها وتعوضه
مع غيره ....


2_ تموت من الغيره عليه ....
الراجل يعشق ان خطيبته تموت عليه من الغيره ويحاول ينكش كتير في الحته دي ويولعها ويحس وقتها برجولته وانه
مقطع السمكة وديلها ومنها بردو تفضل هي مشغولة وخايفة عليه ليل ونهار ...
لكن بعد الجواز بقي بيكره الاسلوب ده جدا ويكره المراقبة والتكتيفة والاسئلة انت فين لحد دلوقت ؟ كنت مع مين ؟
مين دي اللي كلمتك في التليفون ؟؟
لدرجة انه ممكن يطفش منها ومن غيرتها .

3- الاهتمام بنفسها وبمظهرها ....

تلاقي الراجل وهو خاطب البنت يفضل يمدح في شياكتها وشكلها ولبسها والالوان اللي بتختارها وبرفانتها ومكياجها ..
علي رأي اللي قال (زغرتي ياللي مانتش غرمانة )) عشان طبعا كل الزواق والتكاليف دي كلها مش من جيبه من جيب
الوالد باباها .....

اما بقي بعد الجواز بينقد شكلها دايما وطريقة لبسها ومكياجها لانها خلاص مبقيتش مالية عينه الفارغة دي زي الاول وكمان
عشان ميرغمش شرا فساتين ولبس وبرفانات فيعمل ايه ... يحطمها ويعقدها ويخلع هو .من المصاريف..

4_يكون ليها صديقات .....
لان البنت بتكون فرحانة اوي بخطيبها وبتبقي عاملة زي اللاجئة وهو اوقات بيزهق منها ومن طلبتها بيحب ان يكون ليها
صديقات يحوشو عنه المشاوير وتحل عن دماغه شوية ومنها بردو ممكن يخرج معاهم اهو خروجة مع بنات كتير جياله من الهوا
عينو فارغة بقي ....

اما بعد الجواز بيطلب منها تبعد عن صديقاتها عشان متتفضحوش قدامهم وتقول علي عمايله معاها والراجل بيسيمهم
بعد الجواز خرابين بيوت ...

هو ده الراجل الشرقي راجل معقد